You are here: home > Vetso

Teo imasoko. - randria

Azo vakiana?

Teo imasoko no indro feo mihika mitaraina,
Tomany senton'alahelo dradradradra-na toreo,
Reo ankizy sy tanora mpanarak'andro savolaina,
Ndray mitanondrika aman'aina eo amoron-tongony eo...

Teo imasoko no indro vetso maro no nandeha,
Mahita reto zaza bodo tsy mahatsiaro ny fisiany,
Mampanontany tena anaty ka hirediredy hoe :
Iza zao no hanajary hiantoka amin'ny fihariany ?

Teo imasoko no indry fa nilofika ito andry,
Nogejaina tsy hietsika ao anaty voron-tsihy,
Namoriana fokon'olona niantsoana herin-tsandry,
Hiazo an'iny fahanginana ery an-dohasaha ery.

Teo imasoko no indro lahan-dreny tafahondrika,
Mijery reto sombinainy mikarenjy sy someby,
Tsy mahatsiaro kely akory fa lavo tsy mba azo harendrika
'Lay antoky ny fahavelomany ka ny hafa no mitebiteby .

Teo imasoko no indro nisehon'ny hery tsy haiko,
Fa niboridana anoloako ny tsy ho hita ho saintsainina,
Ilay aloky ny nofinofy mistery ho ambombaiko,
Tozon-janak'olombelona tsy azontsika mba sitranina.

Teo imasoko ary teo, teo no nihiratra aho fa maizina,
Tsy nahenoko n'inoninona afa tsy ny fofon'aiko,
Raha niserana an-tsaiko ny làlam-ben'ireo ho faizina,
Tsia! eritreritra mandalo, mpamela heloka lay Raiko.

Teo imason'ny rehetra zay nanatrika ny farany,
No niainantsika mianakavy iny tranga mahonena,
Nanaovana ny fombafomba hamarana ity tantarany,
Mba handriany fahalemana fa ho ilo ho an'ireo jambena...
                       R.J.O.

Sokajy : Alahelo

Hametraka hevitra

Midira aloha

Mombamomba

Mpanoratra : randria

Nampiditra : jari
Daty : 21/07/2005
Mpamangy : 804
Mankafy : 2

Tononkalo hafa

Dom-panantenana.
adidy!
jereo
Manga...na!
hoavaoziko
tsy azy!...
Saraka!
Honjohonjoko...
Ngerok\'hirik\'ila.
Foiny