Ny hafatry dada... (randria)

Anaka...
iny taona iny hafahafa...
ny fiainako tsy nisy tanjona,
ny faniriako adaladala,
ny fisainako tsy nitombona,
ny vetsovetsoko lasan-davitra,
ny alaheloko niavosa,
ireo fiheveran-disoko,
ny fahoriako nivangongo,
ny fananako niparitaka,
ny fitiavako mijaly,
ny finoako miozongozona,
ny fivavahako tsianjery,
ny fanantenako ambiviny,
ny fianakaviako adino,
ny lasako mangidy,
ny tantara mahonenako,
ny eritreritro mikorontana,
ny vatako marary,
ny fireneko mahantra,
ianao kamboty velon-dRay,
izany sy ny ohatra azy,
no niteraka ny soratro,
ho rakitra sy fahatsiarovana,
fa efa nisy fahoriana,
ary efa nijaly isika...
ka tsarovy tsara anaka,
fa ny fiainana herisetra,
fiafiana, famolahana,
ka tsy hilaozana marary...
R.J.O.
--------