Minitra vitsy (ravaomanahirana)

Eto ampamisavisaina ny omaly
nahitako anao
tsikin-tsika nifamaly
mbola ao an-tsaiko ao

ny masonao nandinika
ny ahy menamenatra
fihetsika madinika
no avy nampiteraka
ny foko hidobodoboka!

fohy loatra ilay minitra
naha-teo anao
ny fitiavako tsy ritra
te hanjoy anao

izaho koa dia adala
olona mandalo iny
ny saiko te halala
ianao ve vahiny?

fa nahoana re
ny masoko tojo ny anao
fa ho aiza koa anie
izany lalanao
handalo eto ihany aho
sao hiverina ianao
--------