Ampitapitao (SARONDRAHONA RAMBOLAMANANA)

AMPITAPITAO

Mba hiangaviako anao ity taratasy ity :
Omeo azy any !
Fa lavitra ny lalana;
Ary manginy eny ny sakan –tsy voaisa
Sy ny elanelan –tany ;
Tetezana aza rava !
Ka ampitao ity
Ho tonga vetivety, hivantana any an –tranony :
Ataovy TANAN-DAVA !

Ny fiainana any hoe
No banga ny fitiavana
Sy ny ady ifanaronana;
Ary izany izao no mbola itolomana !!!

Raha sanatria ‘nareo
Ka tsy hifankahita tava
Dia iangaviako indrindra :
“Omeo azy ity
Dia ataovy TANAN-DAVA „

SARONDRAHONA RAMBOLAMANANA (033 14 253 57)
Faribolana SANDRATRA Antananarivo
In –TANAN-DAVA
--------