Firaisan-kina - SARONDRAHONA RAMBOLAMANANA

Saika vitako ihany
Ny hanakombom–bava
Tsy hilaza n’inona n’inona !
Toa saika vitako aza
Ny handrava an–kitsirano
Ny fihavanantsika
Hanjary ho tsinontsinona ;
Hatramin’ny naneken’
Ny saiko  manontolo
Fa “TIA TENA IANAO!”

Rehefa ianao no miady
Dia mahay mandresy lahatra
Fa tokony hampiana;
Rehefa anay ny tolona
Mampirara–dinitra
Sy mampikotra–nify,
Dia vitanao sakaiza
Ny mitazana ohatry ny olona :
Ny antsoko efa an–tenda,
Ianao erý mangina...

Ka diso ihany isika
Toa niarakara –poana
Sy tsy nahalala fomba;
Fa tsy izany mihitsy
No hoe : FIRAISAN-KINA !
“Mifaly rehefa faly,
Fa mba midodododo
Raha sendra fahoriana.”


SARONDRAHONA RAMBOLAMANANA ( 033 14 253 57 )
Faribolana SANDRATRA Antananarivo
Ambatomainty, faha 08 Jona 2003

Hametraka hevitra

Midira aloha

Mombamomba

Mpanoratra : SARONDRAHONA RAMBOLAMANANA

Nampiditra : sarondrahona
Daty : 23/07/2004
Mpamangy : 1541
Mankafy : 1

Tononkalo hafa

TSY TONGA VOLANA
SOAMAHAMANINA
MIASA ALINA
HAZONOELY 2012
VITSY
HOY IZY ANONA
AOKA ALOHA
FAMERINY
SETRINY ( Valin'ny HAFATR° i R A D O)
MIANDRY