Fotsiana - SARONDRAHONA RAMBOLAMANANA

Azo vakiana?

FOTSIANA

Dia maty moa sakaiza
‘reo olo –menavazana !
Ireo nisoron’aina
Nitaky fahafahana !
Ireo nanao vivery
Ho an’ny Firenena;
Ka fongana sy lasana !
Maty ireo sakaiza
Dia nasitriky ny fasana,
Fa maty hatreo koa
Ny FITIAVAN –TANINDRAZANA

Tato aoriana mantsy
Ny zava –nisy sisa,
Dia ronono an – tavy
Tsy nisy nosotroina :
Noentiny hoe : “HIAKATRA”
Vao mainka nafotetany
Sy niha –nisavoritaka !
Nasainy nanantena
Fa mainka koa voafitaka !
Ny RESA-PAHAMARINANA...
Toa fampandriana adrisa !

Nanjary niova ho henatra
Sy fandatsàna tena
Ny hetahetam –po
Hitaky sy hitolona !
Fa hay zana –baratra
‘ty zaza novelomina,
Tsy toy ny namafazana…
Ka very ianao sakaiza
Raha ho an’ny tanindrazana !
Very koa ianao
Raha ho an’ny Firenena !!!

SARONDRAHONA RAMBOLAMANANA ( 033 14 253 57)
29 Martsa 2003
Faribolana SANDRATRA Antananarivo

Mombamomba

Mpanoratra : SARONDRAHONA RAMBOLAMANANA

Nampiditra : sarondrahona
Daty : 22/06/2004
Mpamangy : 1012
Mankafy : 1

Tononkalo hafa

TSY TONGA VOLANA
SOAMAHAMANINA
MIASA ALINA
HAZONOELY 2012
VITSY
HOY IZY ANONA
AOKA ALOHA
FAMERINY
SETRINY ( Valin'ny HAFATR° i R A D O)
MIANDRY