Hariva - SARONDRAHONA RAMBOLAMANANA

Azo vakiana?

HARIVA

Dia iny hariva iny ve
No hany hariva tena farany
Nahitanao ny tavany ?
dia lasa aiza izy avy eo ?
Sa tsy fantatrao ny havany
Mba mpitsidika anareo
Fony mbola tsisy ny ady?
Ary hariva nanao ahoana
Tamin’izay hariva rehetra
Iny takariva iny ?

Fa najavona ny fony
Dia adinonao ny anarany,
Dia tsy sitrakao intsony
Ny mbola hanaiky indray ho vadiny
Ny hiangola ho malalany !
Fa vitanao ny nanadino !
Ny zanakao anefa ireto
Mifendrofendro, mahonena
Mifangidotra amin’ny tadiny.

Ny DINA  vita rehetra koa
Dia rano vaky am –batolampy
Sy rivotra nahazo havoana :
Nikoriana dia nanjavona,
Ary raraka dia very !
‘zay hilamina eny foana
F’izao mbola adidinao :
“aoka ho matinao porofo
Ny honjohonjon’izy irery
Hoe aiza marina izy ?”
Ary aiza ho aiza koa
Ny mety ho avin –janakao
Sy hiafaràn’ireto ankizy ?

SARONDRAHONA RAMBOLAMANANA ( 033 14 253 57)
Faribolana SANDRATRA Antananarivo

Hevitra mandeha

NyKanto (22/06/2004 12:53:08)

Mampalahelo koa izany an! ... mahalasa sainy ny sombim-piainana tahaka itony!
Ny Kanto.

Mombamomba

Mpanoratra : SARONDRAHONA RAMBOLAMANANA

Nampiditra : sarondrahona
Daty : 22/06/2004
Mpamangy : 1140
Mankafy : 1

Tononkalo hafa

TSY TONGA VOLANA
SOAMAHAMANINA
MIASA ALINA
HAZONOELY 2012
VITSY
HOY IZY ANONA
AOKA ALOHA
FAMERINY
SETRINY ( Valin'ny HAFATR° i R A D O)
MIANDRY