Hetraketraka - SARONDRAHONA RAMBOLAMANANA

Azo vakiana?

HETRAKETRAKA

Ny ahy ny fiainana
Tsy resa-jaza
Fa lalana matotra ;
Izaho tsy misangy
Ny aina ho lalaovina
Na namako aza,
Fa izay azon-tady
Na mahery aza
Tsy maintsy voafatotra!

Ny ahy koa ny hevitro
Ny ahy tsy mipody:
‘zay ny ahy dia  izay !
Manomboka hafàna
Ny antoko hifanandrina
Ka mety ny mody,
Sao hoe hangina
Kanefa  hanenina mandrakizay!

Indrindra indrindra
Mba tsarovy tsara
Ny dina napetraka;
Fa ny fiainan-drehetra
Tsy maintsy misoratra
Hanjary ho tantara;
Fa izao mba hanaja
Nefa ianao
No dia mihetraketraka.

SARONDRAHONA  RAMBOLAMANANA
Faribolana SANDRATRA  Antananarivo
Beronono –Anjozorobe, faha 01 jolay 2003

Mombamomba

Mpanoratra : SARONDRAHONA RAMBOLAMANANA

Nampiditra : sarondrahona
Daty : 20/07/2004
Mpamangy : 1755
Mankafy : 0

Tononkalo hafa

TSY TONGA VOLANA
SOAMAHAMANINA
MIASA ALINA
HAZONOELY 2012
VITSY
HOY IZY ANONA
AOKA ALOHA
FAMERINY
SETRINY ( Valin'ny HAFATR° i R A D O)
MIANDRY