Ka asa... (SARONDRAHONA RAMBOLAMANANA)

KA ASA… !

Dia lasa takoritsika
Sy resaka mandeha
Ny masoandro sy ny volana

Nanjary fivoriana
Sy famoriam –bahoaka
Nitantaràna olana…

Nanjary toriteny
Sy lasa fampianarana
Isak’ALAHADY

Nanjary fandaharana
Sy fizaran –draharaha
Natao karazan’ady !

Ny arỳ mataho –ko jamba
Ka hihiboka aman –trano
Hivavaka hiantsinanana;

Ny MALAGASY sasany
Hivoaka sy hitazana :
Hitsapatsapa tanana !

Dia lasa koa ny vina
Ny hoe: “masoandron’iza
No hotinakom –bolana ?”

Fa any mantsy misy…
Na ny hanampenan –trano aza
Tolona sy olana !

SARONDRAHONA RAMBOLAMANANA ( 033 14 253 57)
Faribolana SANDRATRA Antananarivo
20 Jona 2001- tao BERONONO -Anjozorobe
--------