Kotsakotsa (SARONDRAHONA RAMBOLAMANANA)

KOTSA

« Iray minitra fahanginana,
Ho an’ireo vahoakantsika
Maty ho an’ny FAHAMARINANA !”

…
“Iray minitra fahanginana
Ho an’ireo fananantsika
Kila noho ny FAHAMARINANA !!!”

…
“Roa minitra mba hahanginana
Ho an’ilay maherintsika
Lavo teo am –pandaminana !!!”

…
“Roa minitra hamintinana
Ny andrimasonao vahoaka
Niaro ho an’ny FAHAMARINANA !”

…
“Iray minitra hanakianana
Ny tifitra sy rà nandriaka
Noho ny voka – pifidianana !”

…
“Iray minitra iombonana
Ho an’ireo MPIANDRY maro
Naratra teo am –pitolomana !”

…
“Minitra iray ho fampihavanana
Ny MALAGASY MANONTOLO?
Sy ho fifanomezan-tanana!”

“Iray minitra ! Indray mihiaka !
Ho fisaonana mitambatra
Ho an’ny Firenentsika !!!”

…
“Iray minitra fahanginana
ho an’ireo voazera baomba
Sy martirim –pahamarinana”

SARONDRAHONA RAMBOLAMANANA ( 033 14 253 57)
Faribolana SANDRATRA Antananarivo
In –TANAN-DAVA
--------