Marary vavony (SARONDRAHONA RAMBOLAMANANA)

MARARY VAVONY

Fa mamy tsy foy hoatra an'iza SAKAIZA
Ny tena mba tsiron'ny seza Ohatr'itony;
Dia hitondra ho aiza ?
Vao anankiroa izao no nazera teo,
Dia mihoko amin'ny fatana sy ny vilany :
Vaky barara, MARARY VAVONY,
TSY TIA TSARAMASO !
Kanefa any an-ketsa
Manjary salama;
Tsy dininy akory ny andraso... andraso...
Fa mambosibosika, homana ihany !

Mba hafa ny fihevitry ny olona sasany,
Fa ny hitondra bontolo eo foana
no fara -tampon'ny zavatra andrasany;
Nefa efa teo !
Tsy nisy n'inona n'inona niangana akory:
"Ny Olona entiny ery efa leo,
Izy avy mihinana ety dia matory !"

Afa - baraka !
Fa ny OLomboafidy sy Ben'ny Tanàna
No nahorongorony anaty fonosana,
Saika hofafàny;
Noheveriny angamba ity olona ity
fa gadragadraina
Tsy misy lalàna!?

Afaka ireo , fa ny vavam -bahoaka ?
Tsy mety mangina !
Tsy mety voarara !
Ny hanoso -potaka any aminy ihany !!!

SARONDRAHONA RAMBOLAMANANA
--------