You are here: home > Vetso

Niserana - SARONDRAHONA RAMBOLAMANANA

Azo vakiana?

NISERANA

Raha mba tafahaona isika
Nefa hisaraka sahady,
Dia ny saiko manontolo
No tereko indray hanaiky,
Fa izay no fandaharana !
Ary isika anie ry Zandry
Efa niezaka nikiry
Hihaona sy hifampitady e !
Avy any Beronono aho
No nihaza ilay tanànanao
Na alavitra iny na akaiky !

Nihaona vetivety isika
Dia hisaraka ela be,
Noho ny velirano tsotra
Samy hiatrika fiainana :
Lehilahy mizaka adidy !
Ary isika anie ry Zandry
Tsy afaka hiara –mitoetra
Na hiaraka handeha e !
Ny tiana tsy hiraisa –monina !!!
Ary ny asa fivelomana
Tsy azontsika hitarainana.

Handao anao angamba  i Feno
Ka hametraka veloma :
Mahereza ise ry zandry !
Andriamanitra tsarovy
Amin’ izay atao rehetra :
NY FIHAVANANA E ! TDREMO !!!

SARONDRAHONA RAMBOLAMANANA ( 033 14 253 57)
Faribolana SANDRATRA Antananarivo
Teny ambony fiara ho any Anjozorobe, faha 18 Aogositra 2003

Sokajy : Namana