You are here: home > Vetso

Ny ditran'ise - SARONDRAHONA RAMBOLAMANANA

NY DITRAN'ISE

Tsy hoe fandatsàna Razandry malala,
Fa fo efa vato raha toa  tsy hongaina,
Na koa tsy hiteny !
Fa miherina sahady
Ny taona mangidy
Nandaozan'i Neny:
Ny andro nahalasana...
I Neny Olon -tsotra sy mba nantenaina
No rembin'ny fasana,
Lasa nandeha;
fa nihinjitra an -dalana,
Folaka an -daton'ny ditran'ise

Ise any am -ponja,
I Neny mitsotra;
Dia resaka ditra tsy tana ohatr'ireny
No niova ho ratra nahafaty an'i Neny  :
"Ise notenenina, tsy azo raràna !
Ise mba natoro, tsy nety voatàna !"
Dia izao no iafaràny :
Nahafotsy rora ny olona ise
vao nahadika lalàna!
Efa kamboty vao mahatsapa onja ,
ka ataovy anatra:
Aoka ho afo nandoro an'ise
Ny any am -ponja !!!

Tsarovy ny hoe:
"Ny antony tena nahafaty an'i Neny ?
Ny DITRAN'ISE !!!"


SARONDRAHONA RAMBOLAMANANA
                     2003

Sokajy : Fahafatesana

Hevitra mandeha

Clarys (06/05/2004 09:09:21)

Mampalahelo izany ry ise a ! Enga anie mba tsy...ho marina !!!

Hametraka hevitra

Midira aloha