Tafa kely - SARONDRAHONA RAMBOLAMANANA

Azo vakiana?

TAFA KELY ( ho an’i DODA  ao  AMBARIFAFY, Antanetibe Anativolo)

Vao miserana ny alina,
Dia efa hain’ise mikatsaka
Ny mety ho tara –pahazavàna
Ao anatin’aizim –pito
Tsy mbola tratran –dia akory !
Dia iny ise manandran –tsiky
Sady sahy mirobaroba :
Bandikely hafahafa !!!
Mahatsikaiky mihitsy ho’aho
Raha ise ity ry DODA !

Vao miserana ny lalina
Dia efa hain’ise mitady
Ny marivo hirobohana
Eo anivon –drano mamy,
Tsy nandramana lomano;
Dia iny ise mirafarafa
Sady sahy manipy sandry:
Bandikely sahisahy !
Mahavariana mihitsy ho’aho
Raha ise ity ry Zandry !

Ka ezahako ho tanana
Ny hoe : “ISIKA DIA MPIANAMANA
TSY MBA TOKONY HIFANARY”
Dia veloma indray àry,
Fa eto BERONONO eto
Toeram –panovozan –tsento
Am –piarahana mandalo
Nefa koa tsy fanakalo!

Fa raha izay i FENO foana
DODA a ! satriny aza, mihaona !!!

SARONDRAHONA RAMBOLAMANANA ( 033 14 253 57)
Beronono, 3 janoary 2001
Faribolana SANDRATRA Antananarivo

Mombamomba

Mpanoratra : SARONDRAHONA RAMBOLAMANANA

Nampiditra : sarondrahona
Daty : 16/06/2004
Mpamangy : 1250
Mankafy : 2

Tononkalo hafa

TSY TONGA VOLANA
SOAMAHAMANINA
MIASA ALINA
HAZONOELY 2012
VITSY
HOY IZY ANONA
AOKA ALOHA
FAMERINY
SETRINY ( Valin'ny HAFATR° i R A D O)
MIANDRY