HERY ANATY RATRA (Singam-pitia saropady (MAHARITRA))

HERY ANATY RATRA

Indrisy ry fon'olombelona
Mora mitia fa malaky maratra
mora manaiky ka avy eo mora vaky
Mora miatsambotra an-tratrany hafa
Fa kosa indrisy toa sarotra hialana

Ny fon'olombelona
Malemy marefo
Fa kosa raha lavo
Hiarina avy eo izy ho mpanefoefo

Ho mpanefoefo malemy fanahy
Hizara fitia marina tsy hanananao ahiahy
Ho fo mahay mifidy izay tokony ataony
Satria anatra ho azy ny fery mitoetra
Nanefy azy ho mafy sy hatanjaka indray

Ny fo efa trotrakin'ny ady nisesy ?
Tsy hilofika intsony amin'ny zana-tsipika
Hananany ny hery sy tanjaka tsy ho lefy
Ka izy eo hisedra ho solona fefy

Fo efa ketron'ny olatra maro
Tsy hiery hiafina donam-pitia
Fo raparapa fa kosa hiaro
Ny hoaviny rehetra tsy hikodia

#SINGAM_PITIA_SAROPADY

06 Febroary 2026
--------