Hanoratra ho anao (Skual)

Mbola tsisy niantsa

Hangataka antsa
(Nalaina tao amin'ny vetso.serasera.org)
Hanoratra ho anao aho
f'izao aloha no fepetra
aoka isika tsy hifandao
fa ireto no mitoetra:

Finoana,fanantenana
indrindra ny fitiavana
Mifanohana mazàna
mifanitsy koa rahavana!


Hanoratra ho anao!
izay no tarigetrako
Anefa kosa mitalaho
aza itarafana ny toetrako

Fa tsy fidiny ho ahy
ny hanoratra tsy tapaka
Satria ny aingam-panahy
tsy mifidy izay harapaka

Hanoratra ho anao aho
fa ity koa no tandremo!
Ny mangidy itsakitsaho
ny mamy ihany no atelemo

Hanoratra aho,tsy hanenina
ianao koa mahavita!
Ny talenta aza afenina
fa avoahy re mba ho hita
--------
Rohy:
Sokajy : Aingam-panahy
1277 0
Hametraka hevitra
Midira aloha
Momba ny tononkalo
Mpanoratra : Skual
Nampiditra : Skual.R
Daty : 10/06/2013 17:20
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0099