Sabotsy mainty - Skual

Azo vakiana?

Toa tsy hay ny tsy hiteny
manoloana izato haizina
gasy ray,gasy reny
no novonoina sy nofaizina

Tsy sanatria hamaky vala
fa fahafahana no iriany
vava-basy, diam-bala
no mba valim-pitakiany

Nitabataba ny vahoaka
mba niteny sy nanohitra
dia ny basy no napoaka
feno rà Ambotsirohitra

Ilay lamba volom-boasary
fahavalon'ny antery
no nalain'ireo marary
nanetsemana ny fery

Nitomany Gasikara
maizim-pito ny tontolo
f'ireto olon'ny tantara
toa voaripaka daholo

Mba fantatrao ve no niteny
nanome baiko ny amin'izany?
Ilay mpilaza ombieny ombieny
hoe:" minoa fotsiny ihany"

Dia mbola hino fotsiny ihany
amin'ity faty mikararàna?
Tsy ekena kosa izany
fa ilàna fanovàna

Ireo fitakiana nifanesy
no nahatonga ireto razana
ny tolona tsy maintsy mandresy
masina ny tanindrazana

8 fevrier 2009

Mombamomba

Mpanoratra : Skual

Nampiditra : Skual.R
Daty : 12/06/2013
Mpamangy : 742
Mankafy : 0

Tononkalo hafa

APETRAHO NY CV
Aleoko
DIA GAGA IANAO
INONA MOA IZAHO?
TIAKO NY SIPAKO
ANTEMA
NIOVA BE RAPANANA
SMS
Raha mivavaka ianareo
Iny tsikitsikiko iny