NY FOKO (SOLIMAH)

Menatra ny foko,
Mahita ny fonao
afaka manao
izao hira rehetra izao.
Ny ahy ny fo voarara,
Tsy afaka mizara
izay kalo tiany hambara.
Mananonanontena,
Voatsindry hazo lena,
Mampiakatra vinany,
Mankany dia mankany,
Misento irery eto ihany,
Faranana tomany
ny sidim-binavina.
Mahantra ny ahy ny foko!
Alevina ao ambanin'ny
tanam-bokovoko.
Ambivitra ho lò,
Mahantra(raha) samy fo,
Sesefana ho voky
fa tsy mba misy toky
hahazo tsiry loatra.
Toy ny tanimanga
tinefy sy voavoatra,
Dia apetraka amin'ny tany.
Bolongana toy izany
no iainany ato an-tratra!
Tsy vato anefa izy ao
fa nofo ka maratra.
Voadona , manaintaina,
Ory, tsy afa-miaina,
Misento , mitaraina,...

......S O L I M A H ......10/2020
--------