You are here: home > Vetso

Aina - Solo

AINA*

Mamy tsy nananam-piry, ka satriko tokoa haharitra.
Ilay tokana aman-tany tsy misy mahasolo.
Toa fofon’ny nahandro ; voly varin’Andriamanitra.
Nandalo monja ihany na dia voakolokolo.

Rakotra haizina ny androko, ory anao ny fo adalako.
Toa rakotry ny tsilo  ny soritr’ito làlako.
Irery tsisy mpampionona aty an-tanin’olona.

Te-hivary lavo marina e, nefa moa hanova inona ?
Te-hitroatra, hihiaka “rariny” : Fa maninona
no notazana sahady ity raozy mamololona ?

Niezaka aho anefa hampitony fahoriana,
raha nahita sary an-tsaina ity tsirim-pifaliana :

Toa tazako iny sambo iny mitondra anao hiampita.
Veloma, hoy aho, malahelo mitomany.
Ery am-pita kosa ireo Anjely, faly fa mahita
ny fahatongavanao ho AINA an-danitra any.

Roma 01 Mars 2004.

* Atolotra ho an’i Aina, nodimandry tamin’ny 01 mars 2004.

Sokajy : Fiononana

Mombamomba

Mpanoratra : Solo

Nampiditra : marozevo
Daty : 18/04/2006
Mpamangy : 1087
Mankafy : 1
Ankafizo

Tononkalo hafa

Hira
Hatoky
Zony
Raha
Marozevo
Izy

Hametraka hevitra

Midira aloha