F' ANGAHA - Solofomanjato

Azo vakiana?

F’ANGAHA

F’angaha ny avonavona mahavidy aina ?
Sa moa filafilan’ny tia rehareha ?
F’angaha ny hatsaràna mitory ny an-tsaina ?
Ka hiandry voadona vao hiova fandeha.

F’angaha ny fo tsotra ilaina alalinina ?
Sao ve sarintsarin’ny endri-panahy ?
F’angaha moa ny resy fanao tsinontsinona ?
Ndrao tojo mahery vao hilefa tsinahy !

F’angaha raha tiavina dia ho saro-takarina ?
Ka hilaza fa ny ampitso nofy ririnina;
Ny havoaky ny anio aza tsy hainao fantarina
Ka valala eny an-danitra ve hofihinina ?

Aza mihevitra ny hafa ho tsy misy vidiny
Ka hamatra ny tena ho tsiroamantany
Ny tantely aza mamy fa mba misy ngidiny !
Lalàna mitondra ny fiainana izany.



SOLOFOMANJATO

Hevitra mandeha

Zozoro (24/07/2009 13:05:11)

Mampalahelo be ianao .

endrika01 (05/08/2015 13:59:10)

Alaivo mora e!

Mombamomba

Mpanoratra : Solofomanjato

Nampiditra : benasy
Daty : 24/07/2009
Mpamangy : 2167
Mankafy : 3

Tononkalo hafa

FIAINANA
HO INONA ?
MIJOROA
RAHA HO TONGA NY ANDRO IRAY
TSY MAINTSY VE ?
AINA
TSY HO VERY MAINA
NY POETY
TSY IZAHO
SAMBATRA.....