RAHA HO TONGA NY ANDRO IRAY (Solofomanjato)

Mbola tsisy niantsa

Hangataka antsa
(Nalaina tao amin'ny vetso.serasera.org)
RAHA HO TONGA NY ANDRO IRAY


Rehefa tonga ny andro iray ka handaozako ito tany
S’ilay ora notinendrin’ny anjara tsy ivalozana
Ka handona ambaravaran’ito nofoko ito izany
Dia ny soratro sy kalo sisa tsy hanam-pahalovana.

Raha hoavy ny andro iray hisarahako amin’ny tiako
Ka ho ranomaso indray no dimbin’ny hany fifaliako
Ao venteso ho tra-maraina, ireo bitsiky ny foko,
Ndrao mba hampisinda ombieny, ny antsoantso sy toloko

Tsy maintsy hoavy mantsy izany, sady tsy mba mampandre
F’izay no andrasana eto an-tany, tsisy afa-bela sy afa-miala
Tsy mba mila tolo-tena, fa maka ireo malain-kandeha
Hanamboatra ny andro lasany hiova lasitra ho tantara

Faniriako sady mamiko, amin’ny andro ilefasako
Mba ho ny rantsan-tananao no hanirina ny tavako
Ka raozy mena mavokely alahatrao an-dohafasako
No dina vaontsika indray ho porofon’ny fitiavako.


SOLOFOMANJATO
--------
Rohy:
2456 2
Mpakafy: endrika01 - benasy
Hevitra mandeha
endrika01 ( 03/07/2009 16:03)
Raozy mena,mavokely...Mhhh,ny aina manam-petra;fa ny asa-soratra hitoetra.

Azo atao koa ny manolo lay ,raozy mena,mavokely ;ho trafon-kena sy tantely hoany hafa!!!
benasy ( 04/07/2009 04:50)
Ny hafa ve hoy ianao ? izay hivokisana no mahamaika azy, haka tsirony ihany.... ! fa ankoatr'izay tsy takany.
tsiambaratelo ( 05/07/2009 09:13)
tsara lay haingam-panahy,mahalasa saina ny aminy
fiainana aorian'izao hita izao.
Laaris ( 08/07/2012 15:13)
d raha ts n tanany v d ts iirna n maso?mafnartr zareo a!zay makanareo fona e!
Hametraka hevitra
Midira aloha
Momba ny tononkalo
Mpanoratra : Solofomanjato
Nampiditra : benasy
Daty : 03/07/2009 09:30
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0149