Raozy! (Tahiry Andry Lafatra)

Mbola tsisy niantsa

Hangataka antsa
(Nalaina tao amin'ny vetso.serasera.org)
Namboly aho namboly anao
Ry raozy tsara indrindra
Hokoloiko ho vaovao...
Ahy ianao tsy hafindra

Vao namelana dia tiko
Manintona tsy tanty
Be tsilo fa hiafiko...
Mirangirangy sy miranty

Maro ny tao an_jaridaina
Fa ianao irery no nanaitra
Dia ianao no notsongaina...
Hahazo fitia tsy mala_maitra

Naningana tokoa ianao
Ka nataoko ho haingon_dapa
Sy nataoko ho filalao...
Kanto ianao izaho mahatsapa

Ny voninao dia mamy
Tsy ho lefy velively
Mamokatra eny ihany...
Hitangoronan'ny tantely

Dia handainga ve ilay mena
Fa hiredareda tsy amin'ny antony
Nisarika ahy ho ao Edena...
Noho ny ahasoany sy ahakantony?
TAL>04/07/16
--------
Rohy:
Sokajy : Fitiavana - Fitiavana
1118 1
Hametraka hevitra
Midira aloha
Momba ny tononkalo
Mpanoratra : Tahiry Andry Lafatra
Nampiditra : Nofy Ny Fitia
Daty : 09/07/2016 06:23
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0098