Fanoloran-tena (Tefigasy)

Efa taona maro izay
No niantsonao ahy ry Ray
Mba ho tena zanakao
Hiaina fiainam-baovao.

Saingy izao no tena adala
Ninia nikipy, tsy hahalala
Ny fitia natolotrao
Sy fahasoavana hatrizao.

Dia nivily lalan-dava,
Dia nandà, namoaka vava,
Ka niala taminao,
Nisafidy tsotra izao.

Ankehitriny kosa anefa
Dia voadona, niantefa
Teny an-kady nahafanina
K’indro tonga saozanina

Koa mibebaka aho ry Raiko
Hiverin-dalana indray
Hiditra ao an-dapanao
Ny tarigetrako: ho Anao

Koa mba raiso sy vimbino
Izato dian-janakao
Aza avela, sakambino
hombay ‘zany elatrao.

Tefigasy - 2011
--------