VAVAKA HO AZY (Tefigasy)
Mbola tsisy niantsa
(Nalaina tao amin'ny vetso.serasera.org)
Ray ô ! apetrako aminao ny fiainany eto an-tany,Iriko mba ho Ianao no hitantana azy hatrany,
Fanilo mpanazava, andry fiankinany,
Hanome fiainana, hitarika ny diany!
Ho fifaliana hatrany no iarahany aminao,
Ho feno fitiavana ilay fiainany vaovao
Ravahan-tsikitsiky sy endrika sariaka,
Hipok’hasambarana, ho lavitry ny hatsiaka!
Koa ankiniko aminao ny ho aviny rehetra,
Aoka ianao hamboba, hitafa sy hitoetra
ao anatiny ao, ka tsy hiala intsony
ny finoany Anao, mipetraka ao am-pony!
Tefy gasy - 2011
--------
Rohy:
Sokajy :
Vavaka - Aingam-panahy
Mpakafy:
haraldtohaina