VAO NIANDOHA...DIA NIFARANA (TIANA)

VAO NIANDOHA…DIA NIFARANA

Efa hatrany am-boalohany
Fony ianao teo amin’ny gara
Ny fidoboky ny foko
No efa nisamboaravoara

Nanatona aho fa toa nihemotra
Mbola niarahaba tsara
F’ilay fitiavako nirehitra
Nahatonga ahy tsy nahita ambara

Hoy ianao ary nanontany
“Aiza moa no misy anao?”
“Mianatsimo” hoy aho namaly
‘Ndao fa ho any isika izao”

Dia nanjohy ahy ianao nanaraka
Tsy nisaina akory ny amiko
Izaho nisaina ny hampiaraka
Nandray anao sahady ho mamiko

Eny, tonga izao isika
Mandrosoa am-baravarana
Ny andro moa ‘ty mangatsiaka
Izaho koa fotsy varavarana

Hatreo aloha dia izay no vita
Satria dia hipoka ny trano
Tanaty olona aho tsy hita
Ny ho maminao, hoy aho,angano

…k’aleo anio dia hofaranana.

TIANA
--------