ZAKAIKO MORA FOANA (TIANA)
Mbola tsisy niantsa
(Nalaina tao amin'ny vetso.serasera.org)
ZAKAIKO MORA FOANATsy mora ho an’ny tia ny mamboraka fitiavana
Ny hilaza hanambara ny tena ao am-po
Fa ny loza dia ity, raha toa ka fandavana
No setriny, mandrara, mandratra ny atifo
Mizaka ny tiavina koa indrisy tena sarotra
Raha sendran’ilay tia d’ilay misisika iny foana
Efa ilazana “tsia” kanefa miady varotra
Tsy mety leo mihitsy,tsy hita atao ahoana
Tsy moramora mihitsy akory ny manadino
Ny fifankatiavana, niriana mba ho mamy
Tsarovana eny foana, toa ila tsy ampino
Fa hay moa nofinofy, miserana ihany
Fa amiko ireo, mbola azoko leferina
Azoko takomana ihany koa ny fijaliana
Fa ny zava-doza, sarotra afenina
Raha toa ka voadoana,fitahan’olon-tiana
TIANA
--------
Rohy:
Sokajy :
Ahiahy