DIAM-PENIKO…. (todisoa ndremiranga)

Diam-peniko hanjafy, hanaron-dratra anaty
Amboarako ianao, eny mandra-maty
Tsy mba mety ritra, tsy hisy fahataperana
Mandrakotra ny tava, tsy mba azo ferana.

Misy ny manjo, takonan-drahona
Ianao mampitony, ianao amborahana
Misy hafaliana, ndroko misava
Ianao tsy hadino, fanilo hanazava.

Ny hoaviko rehetra, ankiniko aminao
Ny hohantenaiko, ianao mpanavao
Ka hiredareda, tsy hilaim-banja
Amboaran-tononkalo, tena manan-danja.
--------