Angamba (tsiolaka)

Angamba tsy ho tsiniko raha toa ka hanadino
Irony lasa niarahana tan-dalan'ny Fitia
Ary aza atao ho heloko raha intsony aho tsy Mino
Irony toky nifanaovana hoe ny antsika ho Doria

Fa vao tojo an-kodimirana dia Io nanova dika
Taitran-drandram-bao ....! nanjary sahisahy
Dia...Tsy nahari-pery fa dia nirongatra hiampita
Nahita vazo hafa ..... nahasarika fanahy

Nefa raha ny marina ,.... dia tena zarako aza
Nahatsiaro maivamaivana ,afaka ilay fatotra
Te hisaotra ny Mpahary ,fa votsotra ny gadra
Nefa odiako mitanondrika,odiako malomaloka

Tsiolaka
--------