Apongalahy (tsiolaka)

famelona iray tao an'ala toa reny
tsara sisin'ny tana(n'ny) mpahay vaky tsofa
nojarian(a) ho kipantsona tsara jinery
sandratr'andro Alakaosy malain-kanosa

ondralahy tokam-bolo, mena mazava
voalatsa-drà tamin'ny Vava Alahasaty
nohodirin'ny tanan'ny efa kalaza
tsy kasian-tanan'ny mpiditra am-paty

vahy tsara ladina,voarandran-ko tady
natao fanenjanana sy ampifandray
hanandratana hira rehefa Alahamady
vavaka hiampita any ankoatry ny tsy hay


Tsiolaka
19.01.24
--------