Nolaingosako aman-taho (tsiolaka)

Toa fikarantsan'ny valiha maraina vao maneno akoho
manainga ny fanahy hanakatra haba-manga,
toa feon' angorodao...! valo lambanana ankiroa.
Toy ny tsikin-jazakely vao maraina sanjasanja.

Toa ny hiran-doharano miparasaka amim-kery
maninterak' avana amin'herikerik'ando,
toy ny taratra johary miaro siokam-boronkely
toa hanitry ny telomiova afafin-drivotra isan'andro.

Toa ny tsikim-bolan-tsinana ,anivon- kintana alinkisa,
misasy hiran-Janahary sonenika any am-paradisa.
Hovitr'onja mihararetra mamelovelo anatiko ao..!

Toy izany Ilay kalonao ry mpiantsa velon-kira
manatosaka hasambarana hatrany ambadika, an-dakira !
Ry poeta , ny hiranao ? nolaingosako aman-taho!



tsiolaka
18-06-2024
--------