Tohy (tsiolaka)

Nolaingosako tsy niera ny firaketana tan-danitra
tamin'ny ora nisokafan'ireo vavahady fito
raha Ilay tondraka maraina iny ilay onin-dranomanitra
nampisosa tsy niato ilay zahatra fodiako.

Nobitsihako mangina ho an'ny kintana maraina
ilay tononkira vitsy miangola fisamonina,
narahim-beso ivaivan'ireo loharanon'aina
ka posaka misasakalina ny johary vao niforona.

Ny taikam-pamantaran'ora no nanjehy tsy niera
ilay taon-jina fiotazana ny pitrapitran-jazavavy,
zehy tsy nety tonga refy ,nisy vena iray tavela
tamin-dalan-teritery mikirindro aviavy.

Tomany teo Ilay poezia nangalariko am-panahy
mantsy vaky rà tsy fidy ny fo miaty hira miavaka
nampitambatra ho aina Ilay haika sahisahy
zary vakana fitohy ,fitanisana tonom-bavaka


Tsiolaka
070424
--------