Very Remby (tsiolaka)

Very...! tena very ialahy ry Gasy a
Malagasy sadasada sisa, gasy an-taratasy
Nilanjalanja diplaoma dia nanary fahendrena
nanamavo fananarana fa maika hanandra-tena.

Gasy tsy mahalala intsony Ilay tena fihavanana
naka tahaka vahiny dia nanary ny efa an-tanana
Nanao ny tsy fanao , mirebika amin'ny tsy an-tena
very hoa ialahy ry gasy a! lavitry ny famonjena.

rahoviana vao hitodika hitady indray ny very?
angatahana amin'ny Avo fa ny finoako efa kely.
Gasy Ray , Gasy Reny fa tsy Gasy fomba sy fiteny
nanjary very remby ,Gasy ialahy fa Gasy very.


Tsiolaka
07-04-24
--------