Hafatra (Tsitana)

Handeha ialahy ry Fetsy
handalo any aminy any;
ka mba lazao azy letsy
fa mbola ato ihany;
ilay olona iray
matiny fitiavany;
fa ny elanelantany
no tsy namela azy hiampita;
ampian\'ny fahantrany
zay lavitry ny ho vita.

Mbola tia hono hoe,
ho avy ihany koa,
hamerina indray
ireo natao taloha;
Satriny foana hono
ny ho anilanao
hiafy hanala sorisory
fa mahandrasa ianao.

Dia mba ialao tsiny any
raha ela zay tsy nahasoratra;
tsy izy hoe no sompatra
na koa tsy mba mahatsiaro;
fa mbola ady maromaro
no manerana ny fiainany
sy mameno ny fisainany.

Lazao azy kanefa
fa mbola hisy ilay maraina iray;
hiverenany indray
ho any an-tanindrazana;
ary amin\'zay fotoana zay
dia ho takona tsy ho tazana
ny alahelo zay nihafiana,
ka hanjary fifaliana.
--------