TSY HAIKO INTSONY (Tsitohaina Mamitiana)

TSY HAIKO INTSONY

Tsy haiko intsony
Na adala aho na misaina
rehefa miaraka aminao
Tsy haiko intsony
Na efa maty aho na miaina
rehefa tsy eo anilanao

Tsy haiko intsony
Na mitia aho na mankahala
ny fihetsiky ny foko
Tsy haiko intsony
Na Rahala na Malala
no anaranao vetsoiko

Tsy haiko intsony
Na mitsiky aho na tomany
amin'izao fotoana izao
Tsy haiko intsony....
Fa ny mahatonga izany
dia satria IZAHO.....IANAO !
--------