ho avahako (Vonjisoa ANDJANIRINA (RNMv))

Ho avahako ny mangan'ny lanitra tandrifiko,
Ho avahako ny maintson'ny ravin'ito lisiko,
Ho avahako ny mevan'ny felam-bonikazoko,
Ho avahako ny tsiro mamin'ny voankazoko.

Ho fidiako tsara izay mety hitondra soa,
Ho alohako ny tsaikany,
Ho dorako ny mainany,
Ho ariko koa ny faikany.

Tsy ampiako tambitamby,
Tsy ataoko sangisangy,
Ny rahona manamaizina,
Ny ravina te ihintsana,
Ny voa mangidy fara,
Tsy ahy mihitsy ireny
K'halohako avokoa.

07.02.26
Vonjisoa Andjanirina
--------