KRISTIANINA FITARATRA (Vonjisoa ANDJANIRINA (RNMv))
(Nalaina tao amin'ny vetso.serasera.org)
Kristianina mitiaTsy mampiady fa mampiavana
Tsy miatsara ivelatsihy
Fa izany no fitiavana
Kristianina mitia
Sahy mijoro ho sakaiza
Tsy handatsa sanatria
Fa manampy n'aiza n'aiza
Kristianina mitia
Tsy mitsahatra manampy
An'ireo zay very dia
Ary koa zay mila vonjy
Kristianina mitia
Tsy mampalahelo ny sakaizany
Fa manampy mba hananany
Izay ho solika fitaizany
Kristianina fitaratra
Manaraka an'i Kristy
Ka ny tena atao filamatra
Tsy mitsahatra mitia
Jereo Izy tena tia
Dia nanolotra ny ainy
Mba hamonjy antsika etÿ
Ho Voninahitry ny Rainy
IZAY TENA SAKAIZA TOKOA DIA TIA AMIN'NY ANDRO REHETRA SADY MISEHO HO RAHALAHY HAMONJY AMIN'NY FAHORIANA
OHAB 17 :17
--------
Rohy:
https://vetso.serasera.org/tonokalo/vonjisoa-andjanirina/kristianina-fitaratra
Sokajy :
Fitondratenan'ny Kristianina - Finoana
Hametraka hevitra
Midira alohaMomba ny tononkalo
Mpanoratra : Vonjisoa ANDJANIRINA (RNMv)Nampiditra : Vonjisoa-Andjanirina
Daty : 01/09/2019 21:35
