Teny ka teny - Vonjisoa ANDJANIRINA (RNMv)

Azo vakiana?

Teny ka teny nandeha ny fotoana
Nandrandraiko fitia tamin'ny olona iray
Nandeha ny andro volana hatramin'ny taona
Diso fitia fa tsy nety niray

Tany ka tany nalehako ihany.
ny fomba rehetra ifandraisako taminy
Kanefa ny androko fotsiny no lany.
Nandefa fitia tsy nandraisana valiny

Teny ka teny no nataoko taminy
Nitory fitia sy namabo ny fony
Tsy nojereny kanefa voatariny
Tsy mba nekeny na laviny akory

Tiako ka tiako amin'ny fo manontolo
Ny momba azy rehetra tsy iadiako varotra
Nolazaiko ny teny rehetra voakolo
Tsy novaliany, noheveriny sarotra

Tony ka tony ihany ny foko
Nampionon-tena tsy hisisika akory
Nandao fahoriana tsy niantso toloko
Kanefa tsy hivoady tsy hitia intsony.


     Andjanirinav@gmail.com

Mombamomba

Mpanoratra : Vonjisoa ANDJANIRINA (RNMv)

Nampiditra : Vonjisoa-Andjanirina
Daty : 10/06/2019
Mpamangy : 543
Mankafy : 1

Tononkalo hafa

Antson' ny fasana
LASA IANAO
ITY RAOZY ITY (AVELAKO HO ANAO)
VELOMA (AVELAKO HO ANAO)
REDIREDY
NENY
VELOMA
RAOZY MAINA
AVELAKO HO ANAO
MBA TSIDIO