TSIKY ANATY ADY (yarihm)

Mbola tsisy niantsa

Hangataka antsa
(Nalaina tao amin'ny vetso.serasera.org)
raha sendra ka mandrahona ilay andronao baliaka
ka nanakona sahady irony tara-pahazavana
raha sendra ka nikentrona ilay tavanao sariaka
ndehana rahalahy TAFIO FANANTENANA

raha sendra ka manerika ny taratr'andronao
ka mandraraka hirifiry tsy zakanao zakaina
raha toa ilay hasambarana nisintaka nandao
mahandrasa rahalahy f'efa HO AVY ILAY MARAINA

raha sendra ka mifafy ilay oram-batravatra
ka nandrodana tsy nahy ilay rindrim-bavahadin'
ny hasambaranao
raha sendra ka voatohina ilay ferinao naratra
fikiro rahalahy ilay ilay TSIKY ANATY ADY
ho diademanao
YARIHM
30/06/2012
--------
Rohy:
Sokajy : Aingam-panahy
1511 0
Hametraka hevitra
Midira aloha
Momba ny tononkalo
Mpanoratra : yarihm
Nampiditra : ambinimiary
Daty : 09/08/2012 13:17
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0141