NY FIAINAKO (yarihm)

Mbola tsisy niantsa

Hangataka antsa
(Nalaina tao amin'ny vetso.serasera.org)
fony vao niaina aho
dia, alina mangina
fony mba nandre
dia, vazavazam-pijaliana
fony vao nahita
dia, rahona mahery
ary fony nahatsapa
dia, ratram-po sy fery!

ary tsy haiko na ahoana
fa, toa adabada izany saiko
tampina ny vavako, gina sady moana
indrisy! mahantra loatra ianao ry fiainako

dia ny fasana no sisa
akany iray mba hantenaiko
andrandrain-ko paradisa
hampiononako ny saiko

fa any mantsy ianao ry foko
tsy hitempo intsony: fahoriana
ary any: ho foana ireo toloko
izay mikiky ano mangina.
YARIHM
2011
--------
Rohy:
Sokajy : Alahelo
1712 0
Hametraka hevitra
Midira aloha
Momba ny tononkalo
Mpanoratra : yarihm
Nampiditra : ambinimiary
Daty : 08/08/2012 07:10
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0112