'' DIMY TAONA IZAY '' (Zavona Rakoto (AQUARIUS))

Dimy taona izay! ravarava zoro ny misy mba tinefy
Zary nisy fefy ny fifandraisa-mamy najoro sy nafatotra,
Nijanona fidoboka 'lay foko saika matotra nankafy anao.
Any an-dafy ise,i zandrikelinao no nampita vaovao!
(Tamiko)

Nandritry ny fotoana nisarahantsika dia sasatra aho nitady,
Sahy nanadihady sady koa nijoko ny namanao tontolo,
Namonomono lolo,nangalatra galona hoe manam-pahefana
omaly vao mba reko,hay ise nanambady zalahy amerikana.
Dimy taona izay!

Hafonjafonja ihany ny hitsenaiko anao hidina an-tseranana
Nefa omeko tanana raha io no monja sisa ho vitako aminao
Ny ao anatiko ao mironjona alahelo,sakafo toa tsy laniko.
Indrisy re ry tiako,ny fatinao ve sisa no mba hivantana amiko??
Sinaingy ankia ekeko fa dimy taonantsika!

Zavona Rakoto 02:01 20240403
--------