You are here: home > Vetso

Ny tsikitsikinao - Dox

Angamba tsikitsiky ho azy nalefanao tsy iniana...
Tsy takatrao ny halehibeny, tsy nampoizinao ny asany...
Voninkazo iny anefa, voninkazom-pifaliana...
Nisy tia nioty azy, ny tsikitsikinao dia lasany !

Dia lasany any aminy, nentiny any am-patoriana,
Nanofisany fitia, nanofisany hasambarana,
Nikaloan'ny fanahiny tsantatsantam-paniriana,
Nametrahany ny fony, nantenainy hifaharana !

Hisy angamba amin'ireny sahy hamboraka aminao
Ny fitiavana ao am-pony, nateraky ny tsikinao
Ka hivoady fa ianao no ho tokana hany tiany !

Hisy kosa any hangina, hitahiry ao anatiny
Ny fitia vokatr'iny mba ho raki-mandra-matiny,
Nofy anao enjehin-dava no ho sisa fifaliany !
  
(talohan'ny 1939)

Sokajy : Fifaliana, Fitiavana

Mombamomba

Mpanoratra : Dox


Nampiditra : hery
Daty : 03/10/2003
Mpamangy : 36392
Mankafy : 34
Ankafizo

Tononkalo hafa

Misy
Teo amin'ny valsa
ANTSO
MAHERY ILAY ZVT MIAFINA AO ANATY AO
fitia mangina
ASA IZANY...
Asa Izany
Indro...
Tafatoetra
Ataotaovy ...

Hevitra mandeha

zakilinina (29/11/2004 23:21:25)

Izany ka tononkalon'ny Ngezalahy !
Maromaroa ny toy izao eto amin'ny serasera. Gadona, rima ary firafitra amin'ny akapobeny dia sarotra kianina. Ny sarin-teny dia manginy fotsiny. Voavoakan'ny poeta an-tsary ny zava-ponosin'ny fitia izay lalim-paka. Amporisihina isika taranaka ankehitriny mba hamorona tononkalo toy izao. Mahereza tompoko.

gasyjean (01/12/2005 19:10:42)

Ny mpanoratra malagasy tahakan' i Dox dia tena tokony ho fitaratra ho antsika izay te hanana talenta amin'ny asa-soratra(tononkalo).

dano (27/04/2013 17:39:06)

tsara b le izy miala satroka eo anatrean'ity zoky be ty za

stonn (06/05/2014 11:22:02)

tiko an!

bolramina (16/05/2015 16:20:28)

tsara be!

JHONNYnathan (06/11/2015 10:38:31)

tsar b l tonokalo

noely kely (12/02/2016 14:39:13)

hafa ian ny tranainy e!

Hametraka hevitra

Midira aloha