MANDRA-PISY (Fredy Jaofera)

Mbola tsisy niantsa

Hangataka antsa
(Nalaina tao amin'ny vetso.serasera.org)
MANDRA-PISY





Mandra-pisy fahazavana
eny am-para vodilanitra
hanova ny tontolo,
hirahira tsy hay rarana
sy manam-pofo-manitra
no avy hamelom-bolo.




Mandra-pisy ranon’ando
hanakotsa izato tava
drodroky ny lasa,
ny maso roa no mando
fa mahita lalandava
ny jaly izay nikasa…




Mandra-pisy anjomara
hiredona any ho any
hitsena izato dia,
tsy mahakivy ny tantara,
na ory tsy hita lany
ny feon‘ilay valiha.




Mandra-pisy valim-bavaka
feno laza toa tsy hay
hahasambatra ahy,
vetsovetso no handravaka
‘reny sento fahizay
sy nahory ny fanahy.





Fredy JAOFERA
--------
Rohy:
Sokajy : fananarana - fanantenana
1467 1
Hevitra mandeha
pissoa ( 01/07/2009 14:29)
Tsara, mankasitraka :))
pissoa ( 01/07/2009 15:46)
Tsy naharitra fa nanoratsoratra tamin'ity tononkalo ity. :))

Efa nisy

Efa nisy anie mazava tery am-para vodilanitra
Efa tazako mazàna ilay hava-maro loko ;
Fa miserana izy iny, tsy natokaha haharitra
Ka tsy tsinjony akory, ny atý anie ka mitoloko.

Efa nisy ranon'ando nanakotsa itony tavako,
Efa nisy orana aza mba niseho nivatravatra ;
Fa niserana izy ireny, tsy nahatototra ny lasako
Ny tatrevany nitsaoka ny fijaliana ao an-tratra.

Efa nisy anjomara nanambara f'efa akaiky
Efa ho tody izao dia, efa miandry ny an-tanàna ;
Saingy atao ahoana moa ny tsy ho kivy sy hanjokaiky
Raha ny foko no mandreny fa tsisy lakana hitàna ?

Soa fa misy itony vetso tsy hamela intsony hiraraka
Itony dinitry ny foko ... mandra-pisy valim-bavaka.

Pissoa (1 Jolay 2009)
pissoa ( 01/07/2009 15:47)
Ooops, andalana faharoa ... "ilay ava-maro loko" fa tsy "hava-maro loko".
tsiambaratelo ( 02/07/2009 04:20)
Saiky ozizy aho hoe: Misy vetso roa mitovy dika! ;-)
Zozoro ( 02/07/2009 12:13)
Raha toa masoandro sasatra
Tsy aleoko ve ny kintana !
Raha anjara tsy hamokatra
Ekeko izany vintana !
Raha sambo toa andrendrika
Ny zahatra noamaharana
Raha nofy tsy ampy fenitra
Ny angano no hifatrarana.

Zozoro

benasy ( 11/07/2009 09:50)
Tena mba mahaliana ahy fatratra ery ireo vetson'ise rehetra nandalo teto ireny.....!
Hametraka hevitra
Midira aloha
Momba ny tononkalo
Mpanoratra : Fredy Jaofera
Nampiditra : 3004
Daty : 30/06/2009 23:52
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0108