You are here: home > Vetso

ANATIROVA - Ivetso

Fa nankaiza ho’aho reroy Ilay Akany paradisa
No banga azy ny toerana ka entanim-bisavisa
Mampirongatra tsiahy ? Fa nankaiza Ilay Lapa ?
Sa izaho va no jambena, badenina, miraparapa ?

Tsy jambena aho akory. Teo tokoa Anatirova
Saingy sompatra e ilay Afo ka indrisy fa niova
Ny tontolo izay jinery. Fahatsiarovana no sisa
Ka satry hatrany hametsovetso ary koa hitanisa.

Zovy ?  Iza no tsy taitra raha nandre ny vaovao
Fa hoe kila sy forehitra, tsy nisy horaisina ianao
Ry Anatirova lovasoa, tokana tsy ananan-droa ?
Tsy hohadinoina na oviana. Voarakitra ao am-po.

Ry Anatirova ô, raha mbola tany koa ny tany
Tsy levona ianao tsy akory ! Mandrora mitsilany
Ny Rangory fototry ny afo, fanetribe, tsy valahara.
Hamelomaso Anao hatrany ireo zanaka amam-para.


Ivetso

Mombamomba

Mpanoratra : Ivetso

Nampiditra : Vetso
Daty : 04/11/2005
Mpamangy : 1457
Mankafy : 0
Ankafizo

Tononkalo hafa

Ry tsy fantatra anarana
Etsy babeko
Ny fanahy no olona
I amalonkely
Asaramanitra
LOUISIANE

Hevitra mandeha

fiaritiana (05/11/2005 12:54:27)

Tsara ny tononkalonao sady 10 taona mihitsy izay no nahamahay ilay rova malalantsika! tohizo e!

Hametraka hevitra

Midira aloha