You are here: home > Vetso

Any an-tanindrazako any - Pissoa

Azo vakiana?

Any an-tanindrazako any !


Misy hiaka sy talaho hampitsahatra ny ady,
Misy fo midradradradra, "Miverena, Fihavanana !"
Nefa misy koa ny hambo mampihenjana ny tady
Sy fitiavana harena, hampitombo ny eo an-tanana.

Misy zaza izao kamboty, ka ny hoaviny voafia ;
Misy hatanorana koa, mandry am-parafara vato !
Misy reny resim-basy, maritioran'amboa dia ;
Misy ray mba sahy nitraka ka ny fiainany naato.

Any an-tanindrazako any, firifiry no misaona ?
Saingy izao ny fahoriany toa tandrimo filalao.
Any an-tanindrazako any, ny fahendrena endrey mimoana,
Sangy ratsin-jiolahy no manjaka hatramin'izao.

Rahoviana no hangina ny hiakam-pitiavan-tena ?
Rahoviana no hisy handre ireo vahoaka mitomany ?
Rahoviana vao hikatsaka ny tombotsoam-pirenana
Ireo nasondrotry ny vola, any an-tanindrazako any ?


Sokajy : Tanindrazana

Hevitra mandeha

3004 (29/04/2009 23:44:15)

MIsaotra e ! Ahoana moa ilay site-nao iny fa tsy tsaroako intsony.

Fredy

pissoa (01/05/2009 14:30:22)

http://pissoa.blaogy.com - fa efa ela be aho tsy dia afaka nanova tao intsony. Na manova dia alako fa tsy arako akory ny mijery ny hevitra avelan'ny namana.

endrika01 (11/07/2009 08:34:21)

Lafatra be lay vetsonao!

endrika01 (11/07/2009 08:35:01)

Lafatra be lay vetsonao!

lolash (03/06/2012 09:52:25)

any an-tanindrazako any !

Eeeeh!!!!!!, any marina manko izy zay an !

FENOSOA2 (03/02/2013 11:49:37)

Tena tsara .matsiaro az zahay aty tany lavitra.

Hametraka hevitra

Midira aloha

Mombamomba

Mpanoratra : Pissoa

Nampiditra : pissoa
Daty : 29/04/2009
Mpamangy : 3725
Mankafy : 2

Tononkalo hafa

Tsy hanoratra
Tsy fantatrao
Mizarà Fitiavana
Torio fitiavana
Vavaka hariva
Izy ve ?
Nofinofy lavitra
Hiangaro
Tsy holazaiko
Izy iny