You are here: home > Vetso

Sahia - Pissoa



Sahia mandry am-piadanana, izany Neny tiako izany
Sahia ! Fa tsy mijaly akory aho raha sendra nitomany
Mba niofo ho ranomaso ny tsiaro anao rehetra …
Ilay tsikinao, irony hehy, ny tambitambinao, etsetra.

Mba mandria am-piadanana izany Neny tiako izany !
Aza dia variana loatra mitsinjo anay ety an-tany
Fa efa ela no nitony ireo alahelo nahatorovana :
Tsy sanatria hoe nanadino, fa maminay ny fahatsiarovana.

Sahia mandry am-piadanana, tsy resy akory ianao ry Neny
Na dia voafingan’itsy fasana, sarisary ihany ireny !
Ny tsikinao sy irony hehy, ny tambitambinao, etsetra
Vita sokitra ao am-po, ny Fitiavanao … Mitoetra.

Koa mandria am-piadanana izany Neny tiako izany
Tsy maty akory hono ianao fa matory fotsiny ihany.

Hametraka hevitra

Midira aloha

Mombamomba

Mpanoratra : Pissoa

Nampiditra : pissoa
Daty : 25/09/2020
Mpamangy : 158
Mankafy : 0

Tononkalo hafa

Tsy hanoratra
Tsy fantatrao
Mizarà Fitiavana
Torio fitiavana
Vavaka hariva
Izy ve ?
Nofinofy lavitra
Hiangaro
Tsy holazaiko
Izy iny