Tsy fantatrao (Pissoa)

Nantsain'i
(Nalaina tao amin'ny vetso.serasera.org)
(Teo am-pihainoana “You don’t know me” hirain’i Michael Buble)

Noraisinao ny tanako ho mari-piarahabana
Dia vahotra ny vavako, ny foko no nidoboka
F’izao tontolo izao midera ny hatsaran’
Ity raozy kelintsika “fotsy” midoroboka.

Fa tsy fantany ny fiofony rehefa diva haraina
Any am-bohitry ny nofiko ! Tsy hainy vinaniana
F’endrey manopy “mena” izy ao an-jaridaina :
Rehefa any mantsy, mba tia aho sady tiana.

Tsy haiko ny hamboraka ireo nofinofy lalina
Na may te ho anao aza hatramin’ny ambiroa !
Resin-tahotra aho, tsy sahiko takarina
Ny habaka hisangian’ny nofintsika roa.



Noraisinao ny tanako, “Veloma” hoy ianao
Namonjy ny eo anilany … E, ry tsara vintana !
Tsiky no nasetriko satria tsy fantatrao
Izaho ‘lay namanao, tia anao am-pahanginana.
--------
Rohy:
Sokajy : Fitiavana
1811 1
Mpakafy: haraldtohaina
Hametraka hevitra
Midira aloha
Momba ny tononkalo
Mpanoratra : Pissoa
Nampiditra : pissoa
Daty : 29/07/2017 18:06
Antsantononkalo
Nantsain'i
© Eugene Heriniaina - serasera.org 1999 - 2024 - page load 0.0168