You are here: home > Vetso

Ahemotra hono ny fifidianana - raozy

Ahemotra hono ny fifidianana
Izany ve tsy revy mpivarotra anana
Hoe androany mivarotra Analakely
Dia rahampitso any Isotry indray no mamely

Ahemotra indray amin’ny Aogositra
Izany ve tsy kozy sy resak’Ambositra
Resaka atao enti-manambaka
Ireo olona miandry sy mivanaka

Ahemotra fa tsy amin’ny jolay
Izany ve tsy resaka ala safay
Filam-baniny tsotr’izao
Lazao mora rehefa tsy hanao

Ahemotra hono, f’izay no marina
Izany ve tsy rugby an’Ambohimanarina
Ka rehefa tsy mety etsy Malacam
Dia aleo ahemotra dia milamina

Ahemotra indray, izany no nambara
Izany ve tsy revy eny am-body bar
Resaka entina hampisavoro
rehefa hiongana tsy afa-mijoro

Dia hahemotra mihitsy, f’izay no lany
Tapak’ireo mpivaro-bilany
Mpandidy , mpanapaka ka ekena
F’izay no hampandroso ny firenena

Ahemotra aloha ity indray mandeha
Dia rehefa zatra ny be dia be
Dia ahemotra kely fandroany indray
Dia toy izany foana mandrakizay

Mombamomba

Mpanoratra : raozy


Nampiditra : raozigasy
Daty : 09/06/2013
Mpamangy : 693
Mankafy : 0
Ankafizo

Tononkalo hafa

Rasiza (tohiny)
ANJARA
TSENAO
HODY
ERNESTINE
AVOTY KELY
REVEKO
WEEKEND
HERINANDRO IZAY NO LASA
ATY TANA

Hametraka hevitra

Midira aloha