AIZA - raozy

AIZA

Mandeha tsiroaroa,
ny mpifankatia
manavatsava orana

Ny masoko ankiroa
mahita izany akia
mila hananga-torana

Mifanorokoroka
etsy sy eroa
ny mpifankatia

Ny ahy anefa izay oroka
lavitra tokoa
raha teto mantsy indry

Misakambikambina
mamihina ny tiany
ireo tovolahy be sangy

Izaho kosa miambina
ilay findaiko iny
sady manidy vangy

Miandry ny antsonao
miandry hiantso anao
ora firy izao !!!

Ny findainao
tsy azo hatramin'izao
fa aiza hoa ... ianao ????