ILAY NOFIKO ALINA (raozigasy)
Mbola tsisy niantsa
(Nalaina tao amin'ny vetso.serasera.org)
Ilay nofiko alina !tantaraiko anao
asa re fa lalina
k'aza hihomehezanao
fa nanonofy aho
nofy adaladala
hoe izaho sy ianao
mifampiantso hoe malala
mifampizara fiainana
alina sy antoandro
miaraka mifoha
dia miara-mandro
mifampizara tafo
andraikitra, adidy
ny zavatra atao,
iaraha-mitadidy
mifampizara nofy,
vetso, vinavina
iaraha-manao
ireo rehetra faniriana
mifampizara jaly,
alahelo hakiviana
miaraka mifaly
rehefa fifaliana
izay ilay nolazaiko
indray andro izay
hoe izaho salaka
ianao ilay iray
dia tapaka ilay nofiko
nitsiky aho sady taitra
raha izany no tanteraka
asa angamba ho raitra
dia nipitrapitra
ireo masoko ankiroa
hoe ahoana re izany
raha mba tsy nofy moa ????
--------
Rohy:
Sokajy :
Aingam-panahy
Hevitra mandeha
tiarah
(
26/07/2010 05:59)
Mahafatifaty foana e! fa tiako kokoa ilay izy raha nofaranana hatreo amin ny andininy faha -7
mikous
(
26/07/2010 06:29)
Eny tokoa mantsy....
mba satriko raha izy no ho eo anilako eo!
Na dia minitra vitsy toa ilay nofy teo.......
Tena nofy tsara tokoa moa zany !
mba satriko raha izy no ho eo anilako eo!
Na dia minitra vitsy toa ilay nofy teo.......
Tena nofy tsara tokoa moa zany !
nannie
(
26/07/2010 09:26)
Ny ahy ny tena itiavako an'ity tononkalo ity dia izy romantique b nefa misy mahalatsaka eny antsefatsefany eny
Soarilala
(
29/07/2010 09:49)
Tena kanto loatra izany nofy izany mifampizara ny zavatra rehetra!
