You are here: home > Vetso

Izy - raozy

Izy no mpitsena , ny saiko valalanina
Izy no mpanohana , ny lohako raha fanina
Izy no mpitsetra , ilay izaho tsy mihinan-kanina
Izy no mpanoko , ireo kajy sy adisanina

Izy no mpamaly  ireo teniteny ireriko
Izy no mpanitsy , ny tonon-tsianjeriko
Izy no mpitsabo ireo holatry ny feriko
Izy no mpamafa , ireo nenina kaikeriko

Izy no mpandefitra ,amin’ny iviko sy esoko
Izy no mpanadina , ny famerenan-desoko,
Izy no mpitsara , ny hira avalam-besoko
Izy no mpitana, ireo potiky ny kesoko

Izy no mpamonjy  , amin’ny havizanana
Izy no mpitsiky, ireo namana tantanana
Izy no mpahalala, ireo harena sy fananana
Izy no mpanidy, ny zavatra faranana

Izy no mpahita, ny tsiambaratelom-batako
Izy no mpaheno , ireo zavatra fangatako
Izy no mpitroka , ireo dini-pirongatako
Izy no mpizara, ny trena izay atatako

Izy tsy ho adinoko, raha iny aho ka variana
Izy tsy ho sarako , na ho foiko ariana
Izy tsy ahetsiko, fa eo an-joro no kaliana
Izy no izy aminy, izy no fandriana

Sokajy : Aingam-panahy

Mombamomba

Mpanoratra : raozy


Nampiditra : raozigasy
Daty : 17/05/2013
Mpamangy : 786
Mankafy : 0
Ankafizo

Tononkalo hafa

Rasiza (tohiny)
ANJARA
TSENAO
HODY
ERNESTINE
AVOTY KELY
REVEKO
WEEKEND
HERINANDRO IZAY NO LASA
ATY TANA

Hevitra mandeha

mitantsotia (16/09/2013 19:20:35)

hahaha, tsy ratsy ndray iny!!!

Hametraka hevitra

Midira aloha